תנ"ך על הפרק
דברי הימים ב כא
וַיִּשְׁכַּ֤ב יְהֽוֹשָׁפָט֙ עִם־אֲבֹתָ֔יו וַיִּקָּבֵ֥ר עִם־אֲבֹתָ֖יו בְּעִ֣יר דָּוִ֑יד וַיִּמְלֹ֛ךְ יְהוֹרָ֥ם בְּנ֖וֹ תַּחְתָּֽיו׃וְלֽוֹ־אַחִ֞ים בְּנֵ֣י יְהוֹשָׁפָ֗ט עֲזַרְיָ֤ה וִֽיחִיאֵל֙ וּזְכַרְיָ֣הוּ וַעֲזַרְיָ֔הוּ וּמִיכָאֵ֖ל וּשְׁפַטְיָ֑הוּ כָּל־אֵ֕לֶּה בְּנֵ֥י יְהוֹשָׁפָ֖ט מֶ֥לֶךְ־יִשְׂרָאֵֽל׃וַיִּתֵּ֣ן לָהֶ֣ם ׀ אֲ֠בִיהֶם מַתָּנ֨וֹת רַבּ֜וֹת לְכֶ֤סֶף וּלְזָהָב֙ וּלְמִגְדָּנ֔וֹת עִם־עָרֵ֥י מְצֻר֖וֹת בִּֽיהוּדָ֑ה וְאֶת־הַמַּמְלָכָ֛ה נָתַ֥ן לִֽיהוֹרָ֖ם כִּי־ה֥וּא הַבְּכֽוֹר׃וַיָּ֨קָם יְהוֹרָ֜ם עַל־מַמְלֶ֤כַת אָבִיו֙ וַיִּתְחַזַּ֔ק וַיַּהֲרֹ֥ג אֶת־כָּל־אֶחָ֖יו בֶּחָ֑רֶב וְגַ֖ם מִשָּׂרֵ֥י יִשְׂרָאֵֽל׃בֶּן־שְׁלֹשִׁ֥ים וּשְׁתַּ֛יִם שָׁנָ֖ה יְהוֹרָ֣ם בְּמָלְכ֑וֹ וּשְׁמוֹנֶ֣ה שָׁנִ֔ים מָלַ֖ךְ בִּירוּשָׁלִָֽם׃וַיֵּ֜לֶךְ בְּדֶ֣רֶךְ ׀ מַלְכֵ֣י יִשְׂרָאֵ֗ל כַּאֲשֶׁ֤ר עָשׂוּ֙ בֵּ֣ית אַחְאָ֔ב כִּ֚י בַּת־אַחְאָ֔ב הָ֥יְתָה לּ֖וֹ אִשָּׁ֑ה וַיַּ֥עַשׂ הָרַ֖ע בְּעֵינֵ֥י יְהוָֽה׃וְלֹא־אָבָ֣ה יְהוָ֗ה לְהַשְׁחִית֙ אֶת־בֵּ֣ית דָּוִ֔יד לְמַ֣עַן הַבְּרִ֔ית אֲשֶׁ֥ר כָּרַ֖ת לְדָוִ֑יד וְכַאֲשֶׁ֣ר אָמַ֗ר לָתֵ֨ת ל֥וֹ נִ֛יר וּלְבָנָ֖יו כָּל־הַיָּמִֽים׃בְּיָמָיו֙ פָּשַׁ֣ע אֱד֔וֹם מִתַּ֖חַת יַד־יְהוּדָ֑ה וַיַּמְלִ֥יכוּ עֲלֵיהֶ֖ם מֶֽלֶךְ׃וַיַּֽעֲבֹ֤ר יְהוֹרָם֙ עִם־שָׂרָ֔יו וְכָל־הָרֶ֖כֶב עִמּ֑וֹ וַיְהִי֙ קָ֣ם לַ֔יְלָה וַיַּ֗ךְ אֶת־אֱדוֹם֙ הַסּוֹבֵ֣ב אֵלָ֔יו וְאֵ֖ת שָׂרֵ֥י הָרָֽכֶב׃וַיִּפְשַׁ֨ע אֱד֜וֹם מִתַּ֣חַת יַד־יְהוּדָ֗ה עַ֚ד הַיּ֣וֹם הַזֶּ֔ה אָ֣ז תִּפְשַׁ֥ע לִבְנָ֛ה בָּעֵ֥ת הַהִ֖יא מִתַּ֣חַת יָד֑וֹ כִּ֣י עָזַ֔ב אֶת־יְהוָ֖ה אֱלֹהֵ֥י אֲבֹתָֽיו׃גַּם־ה֥וּא עָשָֽׂה־בָמ֖וֹת בְּהָרֵ֣י יְהוּדָ֑ה וַיֶּ֙זֶן֙ אֶת־יֹשְׁבֵ֣י יְרוּשָׁלִַ֔ם וַיַּדַּ֖ח אֶת־יְהוּדָֽה׃וַיָּבֹ֤א אֵלָיו֙ מִכְתָּ֔ב מֵֽאֵלִיָּ֥הוּ הַנָּבִ֖יא לֵאמֹ֑ר כֹּ֣ה ׀ אָמַ֣ר יְהוָ֗ה אֱלֹהֵי֙ דָּוִ֣יד אָבִ֔יךָ תַּ֗חַת אֲשֶׁ֤ר לֹֽא־הָלַ֙כְתָּ֙ בְּדַרְכֵי֙ יְהוֹשָׁפָ֣ט אָבִ֔יךָ וּבְדַרְכֵ֖י אָסָ֥א מֶֽלֶךְ־יְהוּדָֽה׃וַתֵּ֗לֶךְ בְּדֶ֙רֶךְ֙ מַלְכֵ֣י יִשְׂרָאֵ֔ל וַתַּזְנֶ֤ה אֶת־יְהוּדָה֙ וְאֶת־יֹשְׁבֵ֣י יְרוּשָׁלִַ֔ם כְּהַזְנ֖וֹת בֵּ֣ית אַחְאָ֑ב וְגַ֨ם אֶת־אַחֶ֧יךָ בֵית־אָבִ֛יךָ הַטּוֹבִ֥ים מִמְּךָ֖ הָרָֽגְתָּ׃הִנֵּ֣ה יְהוָ֗ה נֹגֵ֛ף מַגֵּפָ֥ה גְדוֹלָ֖ה בְּעַמֶּ֑ךָ וּבְבָנֶ֥יךָ וּבְנָשֶׁ֖יךָ וּבְכָל־רְכוּשֶֽׁךָ׃וְאַתָּ֛ה בָּחֳלָיִ֥ים רַבִּ֖ים בְּמַחֲלֵ֣ה מֵעֶ֑יךָ עַד־יֵצְא֤וּ מֵעֶ֙יךָ֙ מִן־הַחֹ֔לִי יָמִ֖ים עַל־יָמִֽים׃וַיָּ֨עַר יְהוָ֜ה עַל־יְהוֹרָ֗ם אֵ֣ת ר֤וּחַ הַפְּלִשְׁתִּים֙ וְהָ֣עַרְבִ֔ים אֲשֶׁ֖ר עַל־יַ֥ד כּוּשִֽׁים׃וַיַּעֲל֤וּ בִֽיהוּדָה֙ וַיִּבְקָע֔וּהָ וַיִּשְׁבּ֗וּ אֵ֤ת כָּל־הָרְכוּשׁ֙ הַנִּמְצָ֣א לְבֵית־הַמֶּ֔לֶךְ וְגַם־בָּנָ֖יו וְנָשָׁ֑יו וְלֹ֤א נִשְׁאַר־לוֹ֙ בֵּ֔ן כִּ֥י אִם־יְהוֹאָחָ֖ז קְטֹ֥ן בָּנָֽיו׃וְאַחֲרֵ֖י כָּל־זֹ֑את נְגָפ֨וֹ יְהוָ֧ה ׀ בְּמֵעָ֛יו לָחֳלִ֖י לְאֵ֥ין מַרְפֵּֽא׃וַיְהִ֣י לְיָמִ֣ים ׀ מִיָּמִ֡ים וּכְעֵת֩ צֵ֨את הַקֵּ֜ץ לְיָמִ֣ים שְׁנַ֗יִם יָצְא֤וּ מֵעָיו֙ עִם־חָלְי֔וֹ וַיָּ֖מָת בְּתַחֲלֻאִ֣ים רָעִ֑ים וְלֹא־עָ֨שׂוּ ל֥וֹ עַמּ֛וֹ שְׂרֵפָ֖ה כִּשְׂרֵפַ֥ת אֲבֹתָֽיו׃בֶּן־שְׁלֹשִׁ֤ים וּשְׁתַּ֙יִם֙ הָיָ֣ה בְמָלְכ֔וֹ וּשְׁמוֹנֶ֣ה שָׁנִ֔ים מָלַ֖ךְ בִּירוּשָׁלִָ֑ם וַיֵּ֙לֶךְ֙ בְּלֹ֣א חֶמְדָּ֔ה וַֽיִּקְבְּרֻ֙הוּ֙ בְּעִ֣יר דָּוִ֔יד וְלֹ֖א בְּקִבְר֥וֹת הַמְּלָכִֽים׃
פירוש על הפרק
וּשְׁכִיב יְהוֹשָׁפָט עִם אֲבָהָתוֹי וְאִתְקַבֵּר בְּקַרְתָּא דְדָוִד וּמְלִיךְ יְהוֹרָם בְּרֵיהּ בְּאַתְרוֹהִי:
וְלֵיהּ אַחִין בְּנֵי יְהוֹשָׁפָט עֲזַרְיָה וִיחִיאֵל וּזְכַרְיָהוּ וַעֲזַרְיָהוּ וּמִיכָאֵל וּשְׁפַטְיָהוּ כָּל אִלֵין בְּנֵי יְהוֹשָׁפָט מַלְכָּא דְיִשְרָאֵל:
וִיהַב לְהוֹן אֲבוּהוֹן מַתְּנַן סַגִיעִין לְכַסְפָּא וּלְדַהֲבָא וְלִלְבוּשִׁין דִיקָר וְאַקְנִיאוּנוּן עַל גַב קַרְקְעָא בַּהֲדֵי קִרְוִין כְּרִיכָן בְּאַרְעָא דְבֵית יְהוּדָה וְיַת מַלְכוּתָא יְהַב לִיהוֹרָם בְּרֵיהּ אֲרוּם הוּא בּוּכְרָא:
וְקָם יְהוֹרָם עַל מַלְכוּתָא דַאֲבוּהִי וְאִתַּקַף וּקְטַל יַת כָּל אֲחוֹהִי בְחַרְבָּא וְאוֹף מֵרַבְרְבֵי יִשְרָאֵל:
בַּר תְּלָתִין וְתַרְתֵּין שְׁנִין הֲוָה כַּד מְלַךְ וְתַמְנֵי שְׁנִין מְלַךְ בִּירוּשְׁלֵם:
וְהַלִיךְ בְּאוֹרַח מַלְכַיָא דְבֵית יִשְרָאֵל הֵיכְמָה דִעֲבָדוּ בֵּית אַחְאָב אֲרוּם בַּת אַחְאָב הֲוַת לֵיהּ לְאִנְתּוּ וַעֲבֵד דְבִישׁ קֳדָם יְיָ:
וְלָא הֲוַת רְעוּתָא מִן קֳדָם יְיָ לְחַבָּלָא יַת בֵּית דָוִד מִן בִּגְלַל קְיָמָא דִגְזַר עִם דָוִד וְהֵיכְמָה דַאֲמַר לְמִתַּן לֵיהּ מַלְכוּ וְלִבְנוֹי כָּל יוֹמַיָא:
בְּיוֹמוֹי מְרָדוּ אֱדוֹמָאֵי וְאִשְׁתְּמִיטוּ מִתְּחוֹת יְדָא דְבֵית יְהוּדָה וְאַמְלִיכוּ עֲלֵיהוֹן מַלְכָּא:
וַעֲבַר יְהוֹרָם עִם רַבְרְבָנוֹי וְכָל אַרְתְּכַיָא דְעִמֵיהּ וַהֲוָה כַּד קָם בְּלֵילְיָא וּקְטַל יַת אֱדוֹמָאֵי דְקַיְמִין חֲזוֹר חֲזוֹר לֵיהּ וְיַת רַבְרְבֵי אַרְתְּכִין:
וּמְרָדוּ אֱדוֹמָאֵי וְאִשְׁתְּמִיטוּ מִתְּחוֹת יְדָא דְבֵית יְהוּדָה עַד יוֹמָא הָדֵין הָא בְּכֵין מְרָדַת לִבְנָה בְּעִדָנָא הַהִיא וְאִשְׁתְּמִיטַת מִתְּחוֹת יְדֵיהּ אֲרוּם מְטוּל דִשְׁבַק יַת דְחַלְתָּא דַייָ אֱלָהָא דַאֲבָהָתוֹי:
אוֹף הוּא עֲבַד בָּמְסַיָא בְּטַוְרֵי יְהוּדָה וְאַטְעֲוַת יָתְבֵי יְרוּשְׁלֵם וְאַטְעֵי יַת דְבֵית יְהוּדָה:
וַאֲתָא לְוָתֵיהּ פִּטְקָא מִן אֵלִיָהוּ נְבִיָא לְמֵימָר כִּדְנַן אֲמַר יְיָ אֱלָהָא דְדָוִיד אֲבוּךְ חוּלַף דְלָא הַלִיכְתָּא בְּאָרְחֲתָא דִיהוֹשָׁפָט אֲבוּךְ וּבְאָרְחֲתָא דְאָסָא מְלִיךְ שִׁבְטָא דְבֵית יְהוּדָה:
וְהַלִיכְתָּא בְּאָרְחַת מַלְכַיָא דְבֵית יִשְרָאֵל וְאַטְעֵיתָא יַת דְבֵית יְהוּדָה וְיָתְבֵי (ס"א וְיַת יָתְבֵי) יְרוּשְׁלֵם הֵיכְמָה דְאַטְעָא יַתְהוֹן דְבֵית אַחְאָב וְאוֹף יַת אֲחָךְ וּבֵית אֲבוּךְ דְטָבִין מִנָךְ קְטִילְתָּא:
וְהָא מֵימְרָא דַייָ מְגָרֵי מוֹתָנָא רַבְּתָא בְּעַמָךְ וּבִבְנַיִךְ וּבִנְשַׁיִךְ וּבְכָל קִנְיָנֵךְ:
וְאַנְתְּ בְּמַרְעִין סַגִיעִין בְּמַרְעִית מְעָיָךְ (ס"א מַעְיְנָךְ) עַד זְמַן דְיִפְקוּן מְעָיָךְ מִן גוּשְׁמָךְ מִן מַרְעִית דְיוֹרִיךְ עֲלָךְ יוֹמַיָא עַל שְׁנַיָא:
וְתָרֵי (ס"א וְגָרֵי) מֵימְרָא דַייָ עַל יְהוֹרָם יַת רוּחָא דִפְלִשְׁתָּאֵי וַעֲרָבָאֵי דִי עַל תְּחוּמֵי אַפְרִיקָאֵי:
וּסְלִיקוּ בְאַרְעָא דְבֵית יְהוּדָה וְכִבְּשׁוּהָא וּשְׁבוֹ יַת כָּל קִנְיָנָא דְאִשְׁתְּכַח לְבֵית מַלְכָּא אוֹף יַת בְּנוֹי וּנְשׁוֹי וְלָא אִשְׁתַּיַר לֵיהּ בַּר אֱלָהֵן אֲחַזְיָהוּ דְזוּטֵר בִּבְנוֹי:
וּמִן בָּתַר כָּל דְנָא תַּבְרֵי מֵימְרָא דַייָ בִּמְעוֹנוֹי (ס"א בְּמַעְיְנוֹי) בְּמַרְעִין דְלֵית אֲסָא:
וַהֲוָה לִזְמַן יוֹמִין וּשְׁנִין וּבְעִדָן דַעֲבַד צָרְכֵיהּ יַתִּיר מִן קִצֵיהּ לְיוֹמִין תְּרֵין נְפָקוּ מַעְיְנוֹי עִם מַרְעֵיהּ וּמִית בְּמַרְעִין בִּישִׁין וְלָא עֲבָדוּ לֵיהּ עַמֵיהּ יְקֵידָת קֵיסֵי בּוּסְמָנִין הֵיךְ יְקֵידַת אֲבָהָתוֹי:
בַּר תְּלָתִין וְתַרְתֵּין שְׁנִין הֲוָה כַּד מְלַךְ וְתַמְנֵי שְׁנִין מְלַךְ בִּירוּשְׁלֵם וַאֲזַל לְבֵית קְבוּרְתָּא בְּלָא רִגוּגְתָּא וּקְבָרוּ יָתֵיהּ בְּקַרְתָּא דְדָוִד וְלָא בְּקִבְרֵי מַלְכַיָא:
תוכן עניינים
ניווט בפרקי התנ"ך
